រូបភាពទស្សនាវដ្តីសុខភាពយើង
- បរិមាណមនុស្សទទួលទាន ១នាក់
- រយៈពេលចម្អិន ៣ម៉ោង
- រយៈពេលរៀបចំគ្រឿងផ្សំ ៣០នាទី
គ្រឿងផ្សំ
- កន្ទុយគោ ២ខាំ
- ស្ពៃបូកគោ ៥០ក្រាម
- ល្ហុង ៣០ក្រាម
- ការ៉ុត ២០ក្រាម
- គល់ស្លឹកគ្រៃ ១០ក្រាម
- រំដេង ១៥ក្រាម
- ស្លឹកក្រូចសើច ៥ក្រាម
- ជីររណារ ១០ក្រាម
- ទឹកត្រី ១០ក្រាម
- អំបិល ៣ក្រាម
- ខ្ទឹមស ៨ក្រាម
- ខ្ទឹមក្រហម ១០ក្រាម
- ស្ករត្នោត ១០ក្រាម
រូបភាពទស្សនាវដ្តីសុខភាពយើង
របៀបរៀបចំគ្រឿងផ្សំ
- កន្ទុយគោលាងទឹកឱ្យស្អាត កាត់ជាកង់ៗ
- ការ៉ុត ស្ពៃបូកគោលាងទឹកឱ្យស្អាត ហើយកាត់ជាកង់ៗ
- ល្ហុងកាត់ជាកង់ លាងទឹកឱ្យស្អាត
- គល់ស្លឹកគ្រៃ រំដេងយកទៅដុត
- ស្លឹកក្រូចសើច
- ជីររណារលាងទឹកឱ្យស្អាត ហាន់ល្មមៗ
- ខ្ទឹមសលាងឱ្យស្អាត លីងទុកដោយឡែក
- ខ្ទឹមក្រហមចែកជាពីរ យកទៅដុត និងយកទៅបំពង។
របៀបធ្វើ
ដំបូងត្រូវដាក់ដាំទឹកឱ្យពុះ រួចដាក់កន្ទុយគោចូល ដាក់គល់ស្លឹកគ្រៃ រំដេង ខ្ទឹមស ខ្ទឹមក្រហម ដែលដុតចូល។ បន្ទាប់មកត្រូវ ដាក់ទឹកត្រី អំបិល ស្ករត្នោត ទុករយៈពេល៣ម៉ោង ដើម្បីឱ្យផុយកន្ទុយគោ និងចូលជាតិល្អ។ ទីបំផុតត្រូវដាក់បន្លែចូល ដូចជាល្ហុង ការ៉ុត ស្ពៃបូកគោទុកឱ្យឆ្អិនល្មម លើកចុះដាក់ខ្ទឹមបំពង និងជីររណារពីលើជាការស្រេច។បញ្ជាក់ ៖ ម្ហូបនេះអាចទទួលទានបានជាមួយបាយស គ្រឿងក្លែម។
ប្រភព ៖ ទស្សនាវដ្តី សុខភាពយើង លេខ៦៥ ខែមិថុនា ឆ្នាំ២០១១
No comments:
Post a Comment