របៀបឆាសណ្ដែកបណ្ដុះតៅគួរ

 ឆាសណ្ដែកបណ្ដុះ តៅគួរ

គ្រឿងផ្សំ

តៅគួរ ២ដុំ សាច់ជ្រូក ៣ខាំ សណ្ដែកបណ្ដុះ ០,៥គ.ក្រ ស្លឹកឬផ្កាគូឆាយ ១ខាំ ស្លឹកខ្ទឹម ១ដើម ប្រេងខ្យង ២ស្លាបព្រា ទឹកត្រី ២ស្លាបព្រា អំបិល ០,៥ស្លាបព្រា ប៊ីចេង ០,៥ស្លាបព្រា ស្ករស ១ស្លាបព្រា ខ្ទឹមស ០,៥ម៉ឺម

*******  វិធីធ្វើ  *******

សាច់ជ្រូកលាងទឹកឲ្យស្អាតរួចហាន់ជាចំណិតស្ដើងៗ តៅគួរកាត់ជាដុំៗ ប៉ុនមេដៃ រួចយកទៅបំពង ឲ្យក្រហមព្រឿងៗ សណ្ដែកបណ្ដុះ និងស្លឹកគូឆាយលាងទឹកឲ្យស្អាត រួចហាន់ប្រវែងមួយថ្នាំងដៃ ហើយលាយជាមួយសណ្ដែកបណ្ដុះ ខ្ទឹមសត្រូវចិញ្ជ្រាំឲ្យល្អិត ចំណែកគ្រឿងផ្សំទាំងអស់ត្រូវលាយ ចូលគ្នាដាក់ក្នុងកូនចានទុកសិន ។

ដាក់ខ្ទះលើចង្ក្រានរង់ចាំឲ្យក្ដៅបន្តិច  រួចដាក់ខ្លាញ់ចូល  និងខ្ទឹមស  បំពងវាឲ្យឈ្ងុយទើបចាក់សាច់ ជ្រូកចូល ហើយចាក់គ្រឿងដែលលាយរួចចូល បន្ទាប់មកដាក់តៅគួរចូលហើយឆាវា ២-៣ត្រឡប់ ទើបចាក់សណ្ដែកបណ្ដុះចូល ឆាវាឲ្យសព្វ (កុំឲ្យសណ្ដែកឆ្អិនពេក) រួចដួសដាក់ចាន និងរោយ ខ្ទឹមសជាការស្រេច ៕