របៀបធ្វើសម្លកកូរខ្មែរ

សម្លកកូរខ្មែរ

គ្រឿងផ្សំ

ឆ្អឹងជំនីជ្រូក សាច់មាន់ ឬត្រីអត់ស្រកា ល្ហុង ល្ពៅ ចេកខ្ចី ត្រប់ពុតញង ត្រប់វែង ស្លឹកម្រុំ ស្លឹកបាស ឬស្លឹកអង្គាដី គល់ស្លឹកគ្រៃ រំដេង រមៀត សំបក ឬស្លឹកក្រូចសើច ខ្ទឹមស អំបិល ប្រហុក ទឹកត្រី ស្ករ ប៊ីចេង អង្ករលីងម៉ដ្ឋ ។

*******  វិធីធ្វើ  *******

សាច់ត្រូវហាន់ ឬកាប់ដុំតូចៗល្មម គល់ស្លឹកគ្រៃ រំដេង រមៀត សំបកក្រូចសើច ខ្ទឹមស បុកចូល គ្នាឲ្យម៉ដ្ឋ ប្រហុកយកមកចិញ្ច្រាំឲ្យម៉ដ្ឋ ។ដាក់ឆ្នាំងលើចង្ក្រាន រួចដាក់ខ្លាញ់ ឬប្រេងឆាទុកឲ្យក្តៅ ទើបដាក់ប្រហុក និងគ្រឿងចូល រួចកូររហូតមានក្លិនឈ្ងុយ បង់សាច់ចូលហើយកូរជាមួយគ្រឿង ឲ្យសព្វ ចាក់ទឹកបន្តិច រំងាស់ឲ្យជិតផុយ ទើបដាក់បន្លែគ្រប់មុខចូល កូរឲ្យសព្វ ថែមទឹករួចដាក់ អង្ករលីងចូល រំងាស់ឲ្យផុយបន្លែ ទើបចាក់ទឹកត្រី អំបិល ស្ករ ម្ស៉ៅស៊ុប ភ្លក់មើលឲ្យល្មម រួចបង់ ស្លឹកម្រុំ អង្គាដី ឬស្លឹកបាសចូល ទុកប្រហែល ១-២នាទី ជាការស្រេច ៕