របៀបធ្វើសម្លចាប់ឆាយ

សម្លចាប់ឆាយ

គ្រឿងផ្សំ

ឆ្អឹងជំនី​ ឬជើងជ្រូក ស្បែកជ្រូកបំពង ផ្សិតត្រចៀកកណ្ដុរ ឆៃថាវ ការ៉ុត ស្ពៃ
ក្ដោប ស្ពៃបូកគោ ដំឡូងបារាំង ខាត់ណា ស្លឹកខ្ទឹម ជីវ៉ាន់ស៊ុយ អំបិល ស្ករ

ប៊ីចេង ទឹកត្រី ។

*******   វិធីធ្វើ  *******

ឆ្អឹងជំនី ឬជើងជ្រូកលាងទឹកឲ្យស្អាតកាប់ជាដុំធំបន្តិច ស្បែកជ្រូកបំពង និងផ្សិតត្រចៀកកណ្ដុរ​ដាក់ត្រាំទឹកឲ្យរីក រួកកាត់ឲ្យខ្លីការ៉ុត ឆៃថាវ ដំឡូងបារាំង​ ចិតសំបកចេញលាងទឹកឲ្យស្អាតរួច​កាប់ជាដុំៗ ។​ ស្ពៃក្ដោប និងស្ពៃបូកគោ ហាន់វាឲ្យខ្លីៗល្មមខាត់ណាសកវាឲ្យស្អាត កាត់ដាក់គល់​ផ្សេង ស្លឹកផ្សេង ។​ ស្លឹកខ្ទឹម និងជីវ៉ាន់ស៊ុយលាងទឹកឲ្យស្អាត ហាន់ឲ្យល្អិតល្មម ខ្ទឹមសចិញ្ច្រាំឲ្យល្អិត ។

ដាក់ឆ្នាំងខ្ទះដាំឲ្យក្ដៅ ចាក់ប្រេងឆាចូល រួចដាក់ខ្ទឹមចិញ្ច្រាំចូល រួលលីងឲ្យឈ្ងុយបន្តិច ទើបដាក់​ទឹកត្រីចូល រួចដាក់ឆ្អឹងជ្រូកចូល ដាក់អំបិល ស្ករ ប៊ីចេង កូរឲ្យសព្វ ចាក់ទឹកបន្តិចប្រហែល ៥នាទី ទើបដាក់ស្បែកជ្រូកបំពង និងផ្សិតត្រចៀកកណ្ដុរចូលហើយដាក់ដើមខាត់ណា ការ៉ុត ឆៃថាវ និង​ដំឡូងបារាំងចូលជាមួយគ្នាតែម្តង រំងាស់ឲ្យឆ្អឹងជ្រូក និងបន្លៃផុយបន្តិច (រំងាស់ដំបូងចាក់ទឹកបន្តិច​ម្តងៗ) ប្រហែល ២០នាទី ទើបចាក់ទឹកឲ្យច្រើនតែម្តង ។ រំងាស់ឲ្យពុះម្តងទៀត ភ្លក់មើលឲ្យ​ល្មមទើបដាក់ស្ពៃបូកគោ ស្ពៃក្ដោប និងស្លឹកខាត់ណាចូល មួយពុះរួចដួសដាក់ចាន រោយស្លឹកខ្ទឹម និងជីវ៉ាន់ស៊ុយពីលើជាការស្រេច ៕