របៀបស្ងោរម្រេះសាច់ជ្រូកចិញ្ច្រាំ

ស្ងោរម្រេះសាច់ជ្រូកចិញ្ច្រាំ

គ្រឿងផ្សំ

ផ្លែម្រេះ សាច់ជ្រូក (សាច់លាយខ្លាញ់) មីសួរ ខ្ទឹមស អំបិល ស្ករ ប៊ីចេង ម្រេច ស្លឹកខ្ទឹម ។

*******   វិធីធ្វើ  *******

ផ្លែម្រេះកាត់កង់ៗ ឆ្កឹះយកគ្រាប់ចេញ រួចលាងទឹកឲ្យស្អាត (ប្រសិនបើមិនចូលចិត្តល្វីងពេក ត្រូវស្រុះទឹកក្ដៅសិន) ។ មីសួរត្រាំទឹកឲ្យរីក កាត់ខ្លីៗ សាច់ជ្រូកចិញ្ច្រាំឲ្យម៉ដ្ឋរួចយកគ្រឿងផ្សំ អំបិល ស្ករ ប៊ីចេង ម្រេច មកលាយជាមួយ បន្ទាប់មកយកមីសួរដែលកាត់រួចនោះមកច្របល់ចូលគ្នា រួចយកម្រេះមកញាត់សាច់ជ្រូកដែលបានលាយរួចនោះ ។ ញាត់រួចហើយទុកមួយអន្លើសិន ស្លឹកខ្ទឹមលាងទឹកឲ្យស្អាត ហាន់ឲ្យល្អិត ។ដាក់ឆ្នាំងដាំទឹកឲ្យពុះ បង់អំបិល ប៊ីចេង ស្ករបន្តិច ចូលទៅក្នុងទឹកសម្ល បន្ទាប់មកទើបបង់ម្រេះចូល រំងាស់ឲ្យផុយម្រេះបន្តិចទើបភ្លក់មើល ឲ្យល្មមឆ្ងាញ់ រួចដួសដាក់ចាន ហើយរោយស្លឹកខ្ទឹមដែលហាន់រួចពីលើជាការស្រេច ៕